Angliýanyň “Premier Ligasynyň” soňky çempiony “Mançester Siti” transfer rekordyny goýdy. Pep Guardiolanyň tälimçiligindäki topar “Aston Willa” klubunyň ýarymgoragçysy Jek Grilişi transfer etdi. “Mançester Siti” bu transfer üçin 100 million funt sterlingi “Aston Willa” berer. Şeýlelikde, Griliş iňlis futbolynyň taryhyndaky iň gymmat transfer hökmünde hasaba alyndy.
25 ýaşyndaky futbolçy 6 ýyllyk şertnama baglaşdy. Ol “Sitide” 10-njy belgili köýnekçäni geýer. Mälim bolşy ýaly ony Serhio Aguero geýýärdi. Oýunçynyň näçe hak aljakdygy barada häzirlikçe habar berilmedi.
“Mançester Siti” kluby “Tottenhamdan” Harri Keýni transfer etmek isläpdi. Ýöne londonlylar “Sitiniň” 100 million funtluk teklbi bilen razylaşman, ony 120 million funta satyp biljekdiklerini aýdypdylar.
