Täze möwsüme deňlik bilen başlan Ýuwentus Ronaldonyň gitmeginden soňky ilkinji oýnunda öz meýdançasynda garaşylmadyk ýagdaýda asgyn geldi. Turinliler “Allianz Arenada” Empoli bilen duşuşyp, 1-0 hasabynda utuldylar. Myhmanlara ýeňiş getiren ýeke-täk goly 21-nji minutda Empoliniň kapitany Leonardo Mankuzo derwezä giripdi. Empoli 22 ýyldan soň ilkinji gezek, şol sanda taryhynda Ýuwentusy myhmançylykda birinji sapar ýeňmegi başardy. Şunlukda, Ýuwentus öz meýdançasynda 14 oýundan soň ýeňildi. Soňky 53 ýylda Ýuwentus 3-nji gezek ilkinji 2 oýunda ýeňiş gazanyp bilmedi. Ýuwentusyň indiki duşuşygy 12-nji sentýabrda Napoli bilen bolar.
