Angliýanyň çempionaty Premier Ligada 3 tapgyr tamamlandy. Üç tapgyryň üçüsinde-de ýeňiş gazanan ýeke-täk topar Tottenham bolup, Demirgazyk londonlylar şol 3 duşuşykda hem 1-0 hasabynda garşydaşlaryndan üstün çykdy. Mançester Sitini Hyn Min-Sonuň, Wulwerhamptony Delle Alliniň gollary bilen ýeňen täze tälimçi Nuno Espirito Santonyň şägirtleri 3-nji tapgyrda Watforddan hem minimal hasap bilen üstün çykdy. Topara ýeňiş getiren ýeke-täk goly 42-nji minutda koreýaly hüjümçi Hyn Min-Son öz adyna ýazdyrdy.
