Fransuz metbugaty PSŽ-niň täze transferi Lionel Messiniň näçe hak aljakdygyny habar berdi. Ýurduň iň belli sport gazeti “L’Equipe” Messiniň 3 ýyllyk şertnamasyny tamamlan ýagdaýynda 110 million ýewro aljakdygyny belläp geçýär. Messiniň PSŽ bilen şertnamasyna görä, super ýyldyzyň ýyllyk 30 million ýewro aljakdygy kepillendirilýär. Oýunçynyň 2-3-nji ýyllary üçin goşmaça wepalylyk tölegini aljakdygyny we umumylykda 110 million ýewro çykjakdygy bellenilýär. Bu 110 million ýewroda oýunçynyň başarnygyna görä berilýän tölegleriň, premiýalaryň we beýleki goşmaçalar ýok. Başgaça aýdylanda, beýleki tölegler bilen oýunçynyň umumy aljak haky has köp bolar.
