Ispaniýanyň çempionatynda tapgyryň iň esasy duşuşygynda Atletiko Madrid öz meýdançasynda Barselonany 2-0 hasabynda ýeňdi. Madridlilere ýeňiş getiren gollary 33-nji minutda Lemar, 44-nji minutda Luiz Suares geçirdi.
Madrid şäheri bilen Barselona şäheriniň beýleki iki klubunyň arasyndaky oýunda Barselona şäheriniň wekili ýeňiş gazandy. Ýagny Espanýol öz meýdançasynda sanawyň ýeňlişsiz lideri Real Madridi 2-1 hasabynda ýeňdi. Espanýol 17-nji minutda De Tomasyň we 60-njy minutda Aleiks Widalyň gollary bilen 2-0 öňe saýlandy. 71-nji minutda Karim Benzemanyň goly Reala ýeňiş üçin ýeterlik bolmady. Şeýlelikde, 2-1 hasabynda utulan Real Madrid şu möwsümde çempionatda ilkinji ýola ýeňlişe sezewar boldy. Şol sanda Andalusiýa derbisinde-de Sewilýa myhmançylykda Granadadan 1-0 ýeňildi. Bu olaryň şu möwsümdäki ilkinji ýeňlişidir.
