UEFA Milletler Ligasynda 2-nji finalçy Fransiýanyň ýygyndysy boldy. Italiýanyň Turin şäherindäki Ýuwentus stadionynda oýnalan ýarym finalda fransuzlar Belgiýanyň ýygyndysyny 3-2 hasabynda ýeňlişe sezewar etdi. Çekeleşikli geçen oýunda ilki belgiýalylar öňe saýlandy. Gollary 1-nji ýarymyň soňlarynda 3 minudyň dowamynda 37-nji we 40-nji minutlarda Ýannik Karrasko bilen Romelu Lukaku geçirdi. Ýöne ruhdan düşmedik fransuzlar 2-nji ýarymda has şowly oýun görkezdiler. 62-nji minutda Karim Benzema, 69-njy minutda penaltiden Kilian Mbappe hem-de 90-njy minutda Teo Hernandes tapawutlanyp, Fransiýa ýeňiş getiren oýunçylar boldy. Şeýlelikde, 3-2 hasabynda ýeňiş gazanan Fransiýa finalda Ispaniýanyň garşydaşy boldy. Final duşuşygy 10-njy oktýabrda Milanda oýnalar. Duşuşyk 23:45-de başlar.
