Niderlandlaryň çempionaty “Eredivisie”-de 10-njy tapgyryň merkezi oýnunda sanawyň 1-2-nji orunlaryndaky toparlar – ýurduň iki güýçli kluby Aýaks bilen PSW duşuşdy. Amsterdamlylaryň doly artykmaçlygynda geçen duşuşykda Aýaks 5-0 hasabynda ýeňiş gazandy. 1-nji ýarymda Berguisiň (19) goly bilen öňe saýlanan Aýaksyň 2-nji ýarymdaky gollaryny Haller (56), Antoni (66), Klaassen (76) hem-de Tadiç (90+2) derwezä girizdi. Bu üstünlikden soň PSW-den 4 utuk öňe saýlanan Aýaks şu möwsümde çempionatda 4-nji gezek 5-0 hasabynda ýeňiş gazandy. Aýaks topary 5-nji tapgyrda Kambuur toparyndan 9-0 hasap bilenem üstün çykypdy. Aýaks 10 oýunda 37 gol geçirdi.
