Russiýanyň Premýer Ligasynda sanawyň lideri Zenit öz meýdançasynda bu gezek Moskwanyň başga bir toparyny, Dinamony uly hasap bilen ýeňdi. Klaudinio (8), Wendel (66), Dzýuba (69) hem-de Rakiskiniň (85) gollary bilen 4-1 hasabynda ýeňiş gazanan Zenit soňky 2 duşuşykda 11 gol geçirdi. Duşuşykda 1 gezek tapawutlanan Artýom Dzýuba taryhy rekordy täzeledi. Ol Russiýanyň Premýer Ligasyndaky 144-nji goluny geçirip, Oleg Weretennikowyň 143 golluk rekordyny täzeledi. Başgaça aýdylanda, Dzýuba Russiýanyň çempionatynyň iň köp gol geçiren futbolçysy boldy. Ol bu görkezijä 375 oýunda ýetdi. Karýerasynyň agramly bölegini Rotorda geçiren Weretennikow 143 goly 274 duşuşykda geçirmegi başardy.
