Russiýanyň çempionatynda 15-nji tapgyryň açylyş duşuşygynda sanawyň lideri öz meýdançasynda Nižniý Nowgoroddan 5-1 üstün çykdy. Sankt-Peterburg şäheriniň klubuna ýeňiş getiren gollary Malkom (23), Dzýuba (34, 45+1, 59) hem-de Çistýakow (87) geçirdi. Duşuşykda het-trik eden 33 ýaşyndaky Artýom Dzýuba soňky 8 duşuşykda 10 gezek tapawutlandy. Ol Russiýanyň çempionaty 5-nji gezek het-trik edip, bu ugurda rekordyň eýesi boldy. Russiýanyň çempionatynyň taryhynyň iň köp gol geçiren futbolçysy bu ugurda rekordy Wagner Law, Aleksandr Keržakow, Oleg Garin, Dmitriý Kiriçenko hem-de Salomon Rondo dagy bilen paýlaşýardy. Dzýuba golaýda Russiýanyň Premýer Ligasynyň iň netijeli futbolçysy diýen rekordy hem Oleg Weretennikowdan alypdy. Dzýubanyň häzirki wagtda Premýer Ligada 147 goly bar.
