Russiýanyň Spartak (Moskwa) topary Ýewropa Ligasynda şowly çykyş edýänem bolsa, Premýer Ligada juda şowsuz oýun görkezýär. 18 oýundan soň 23 utuk bilen 6-njy orunda barýan Spartak portugaliýaly tälimçisi Rui Witoriýany wezipesinden boşadypdy. Moskwalylar onuň ornuna italiýaly 49 ýaşyndaky Paolo Wanolini tälimçilige bellediler. Spartak ozal Konteniň kömekçisi bolup işlän Wanoli bilen 2022/23 möwsüminiň ahyryna çenli şertnama baglaşdylar. Wanoli Spartak toparynyň soňky 17 ýyldaky, ýagny Leonid Fedunyň klubuň agramly paýnamasyny satyn alan 2004-nji ýylyndan bäri 15-nji tälimçisi boldy. Şol döwürde Newio Skala, Aleksandr Starkow, Wladimir Fedetow, Stanislaw Çerçesow, Mikael Laudrup, Waleriý Karpin (2 gezek), Unai Emeri, Dmitriý Gunko, Murat Ýakin, Dmitriý Aleniçew, Massimo Karrera, Oleg Kononow, Domeniko Tedesko hem-de Rui Witoriýa topara tälim berdi.
Wanoli şol degişli döwürde toparyň 4-nji italiýaly tälimçisi bolar.
