Angliýanyň Premier Ligasynda Boxing Day duşuşyklary dowam edýär. 19-njy tapgyryň çäginde 6 duşuşyk geçirildi. Şol oýunlarda 28 gol geçirildi. Tapgyryň iň golly duşuşygy Mançester Siti bilen Lesteriň arasynda bolup, ýer eýeleri 6-3 hasabynda ýeňiş gazandy. Ilkinji 25 minutda 4-0 (De Bruýne 5, Mahrez 14 p, Gündogan 21, Sterlin 25 p) öňe saýlanan Guardiolanyň şägirtleri 2-nji ýarymyň başlaryna aljyraňňy ýagdaýa düşdi. 55-66-njy minutlar aralygynda 3 gol (Meddison 55, Lukman 59, Iheanaço 66) geçiren Lester tasdanam hasaby deňläpdi. 69-njy minutda Lýaport, 87-nji minutda Sterling tapawutlanyp, Mançester Siti 6-3 hasabynda ýeňiş gazandy.
Çelsi myhmançylykda Aston Willany ýer eýeleriniň 1-0 saýlanandygyna garamazdan 3-1 ýeňdi. Arsenal myhmançylykda autsaýder Norwiçi Sakanyň 2 gol geçiren oýnunda 5-0 utdy. West Ham öz meýdançasynda Southemptondan 3-2 asgyn geldi. Tottenhamyň Kristal Palasy 3-0 ýeňen tapgyrynda Braýton Brentordy 2-0 ýeňlişe sezewar etdi. Covid 19 sebäpli 3 duşuşygy soňa goýlan 19-njy tapgyr şu gijeki Nýukasl-Mançester Ýunaýted duşuşygy bilen tamamlanar.
