Angliýanyň Premier Ligasynda şowly netije görkezip bilmeýän Mançester Ýunaýted toparynyň 17 futbolçysy klubdan gitmek isleýär. Bu barada iňlis metbugatynda habar berilýär. Olaryň ählisi-de klubuň ýagdaýyndan nägile bolup, futbolçylaryň köpüsi yzygiderli meýdança çykmaýandygy üçin gyşky ýa-da tomusky transfer möwsüminde başga toparlara geçmek isleýärler. Ole Gunnar Solskaýeriň ornuna tälimçilige bellenen Ralf Ragnigiň oýunçylaryň ählisi bilen ýeke-ýeke gürleşendigi, futbolçylaryň käbirleriniň ýagdaýdan nägilediginden habarlydygy mälim edildi.
Klubdan gitmek isleýän oýunçylar Antoni Marsial, Pol Pogba, Jesse Lingard, Edinson Kawani, Huan Mata, Donni wan de Beek, Din Henderson, Erik Baýi, Fil Jons, Nemanýa Matiç, Fred, Diogo Dalot hem-de Aksel Tuanzebe dagy bolup, Çempionlar Ligasyna galyp bilmedik ýagdaýynda Kristiano Ronaldonyň hem sanawa goşulmagyna garaşylýar.
