Angliýanyň çempionatynda 17-nji tapgyryň galdyrylan oýnunda çempionatda dekabrdan bäri duşuşyk geçirmeýän Lester bilen soňky oýnuny 1-nji ýanwarda oýnan Tottenham duşuşdy. Çekeleşikli geçen oýna myhmanlar erjel başlasa-da ilkinji bolup hasaby Lester Siti açdy. Birnäçe amatly pursatlary elden gideren Tottenhamyň derwezesinden bu goly 24-nji minutda Daka geçirdi. Ýöne londonlylaryň-da jogaby gijikmedi. 38-nji minutda Harri Keýn hasaby deňledi. Duşuşygyň 76-njy minutynda Maddison ýer eýelerini öňe saýlady. Oýnuň şol hasap bilen tamamlanmagyna garaşylýardy. Ýöne 79-njy minutda Regilonyň ornuna meýdança giren gollandiýaly hüjümçi Stiwen Bergweýn ilki 90+5-nji minutda hasaby deňledi, soňra 90+7-nji minutda-da ýeňiş goluny geçirip, oýnuň ýyldyzy boldy. Şeýlelikde, edil Lester ýaly 3 oýny ätiýaçda bolan Tottenham 5-nji ýere beýgeldi.
