Angliýanyň çempionatynda 17-nji tapgyryň galdyrylan duşuşygynda Mançester Ýunaýted myhmançylykda Brentfordy 3-1 hasabynda ýeňdi. Oýunda gollaryň 4-si hem 2-nji ýarymda geçirilip, myhmanlaryň adyndan Antoni Elanga (55), Meýson Grinwud (62) hem-de Markus Reşford (77) geçirdi. Ronaldonyň ornuna 71-nji minutda meýdança giren Reşford oýna soň goşulyp, 10-njy goluny geçirdi we 10 gola ýeten 3-nji ýunaýtedli futbolçy boldy (Ole Gunnar Solskaýer 17 gol, Hawier Hernandes 14). Şeýlelikde, Mançester Ýunaýted Premier Liganyň taryhynda myhmançylykda 300-nji ýeňşini gazanyp, muny başaran ilkinji klub hökmünde hasaba alyndy.
