Ispaniýanyň çempionaty La Ligada sanawyň lideri Real Madrid öz meýdançasynda Elçeni kabul etdi. Turuwbaşdan oýnuň kontrollygyny Real özünde saklasa-da olara öňe saýlanmak başartmady. Duşuşygyň 33-nji minutynda Karim Benzema penalti urgusyndan dürs peýdalanyp bilmedi. Fransiýaly hüjümçi çempionatda ilkinji gezek penaltini dürs urup bilmän, ol mundan öň 16 urguny takyk ýerine ýetiripdi. 42-nji minutda garşylyklaýyn hüjümde Lukas Boýe Elçeni 1-0 öňe saýlady. Duşuşygyň 76-njy minutynda bu gezek Pere Milla tapawutlanyp, Elçe aratapawudy 2 gola çykardy. Oýnuň 82-nji minutynda Luka Modriç penaltini dürs urup, toparyny az-owlak umytlandyrdy. 90+2-nji minutda-da Eder Militao kelle urgy bilen hasaby deňledi. Şeýlelikde, Real Madrid kubok ýaryşynda ýeňen garşydaşyny 4 günden soň çempionatda ýeňip, bilmän, soňky minutlarda ýeňlişden halas boldy. 22 oýundan soň 50 utukly Real Madrid 1-nji, ondan 4 utugy az Sewilýa 2-nji ýerde barýar.
