Ispaniýaly Rafael Benitesi wezipesinden ugradan Ewerton topary onuň ornuna Frank Lampardy tälimçilige belledi. Bu barada klub resmi ýagdaýda habar berdi. Liwerpul şäheriniň wekili 43 ýaşly hünärmen bilen 2024-nji ýylyň tomsuna (2,5 ýyllyk) çenli şertnama baglaşdy. Häzirki wagtda 16-njy orunda barýan Ewertonyň Lamparddan ozal portugaliýaly Witor Pereirany wezipä bellejekdigi bellenilýärdi. Ýöne klub anna güni geçiren maslahatyndan soň Lampardyň tälimçiligi barada ylalaşyk gazandylar. Bir ýyldan bäri hiç bir topara tälim bermeýän Lampard Derbi Kaunti we Çelsi klublarynyň tälimçisi bolupdy.
