Ispaniýanyň Şa Kubogy ýaryşynda ýarym finalçylar belli boldy. Çärýek finalyň soňky duşuşygynda kubogy iň köp eýelän ikinji klub Atletik Bilbao öz meýdançasynda Real Madridi kabul etdi. Dartgynly geçen oýunda ýer eýeleri 1-0 hasabynda ýeňiş gazandy. Bilbaolylara ýeňiş getiren ýeke-täk goly 89-njy minutda Berenguer geçirdi. Şeýlelikde, Atletik Bilbao 1/8 finalda Barselonadan soň, çärýek finalda Real Madridi kubok ýaryşyndan çykardy. Atletik Bilbao Super Kubogy duşuşygynda Realdan asgyn gelipdi.
Çärýek finalyň beýleki oýunlarynda-da Raýo Wallekano Malýorkany 1-0 (Treho 44 p) utdy. Walensiýa Kadizden 2-1 üstün çykmagy başardy (Gedeş 24, Duro 79 – Perez 54 p). Betis myhmançylykda Real Sosiedady 4-0 (Huanmi 12, 57, Willian Hose 83 p, Ruibal 87) hasabynda ýeňlişe sezewar etdi. Ýarym finalyň bijeleri şu gün çekiler.
