Ispaniýanyň çempionaty La Ligada Barselona öz meýdançasynda soňky çempion Atletiko Madridi kabul etdi. Çekeleşikli hem-de dartgynly geçen oýunda katalonlar 4-2 hasabynda ýeňiş gazandy. 8-nji minutda myhmanlar Karraskonyň goly bilen öňe saýlansalaram, 10-njy minutda Hordi Alba owadan gol bilen hasaby deňledi. Şondan soň 21-nji minutda Gawi, 43-nji minutda Arauho hem-de 49-njy minutda Alwes tapawutlandy. 58-nji minutda Luis Suaresiň goly Atletiko toparyna ýeňiş üçin ýeterlik bolmady. 69-njy minutda Dani Alwes gyzyl kart alyp, meýdançadan çykaryldy. Şeýlelikde, Barselona 4-2 hasabynda ýeňiş gazanyp, 4-nji orna beýgeldi. Barselona 6 oýundan soň Atletikony ýeňdi. Olar soňky gezek 2019-njy ýylda Atletikodan üstün çykypdylar.
Sanawyň lideri Real Madrid öz meýdançasynda Granadany Marko Asensionyň ýeke-täk goly bilen 1-0 utdy. 2-3-nji orunlarda barýan Sewilýa şäheriniň wekilleri Sewilýa bilen Betis bu tapgyrda ýeňiş gazanyp bilmedi. Sewilýa Osasuna bilen myhmançylykda golsuz deňme-deň oýnady. Betis öz meýdançasynda Wilýarrealdan 2-0 asgyn geldi.
Sanawyň öňdäki 4 ornuny Real Madrid (53 utuk), Sewilýa (47), Betis (40) hem-de bir oýny kem Barselona (38) eýeleýär.
