Angliýanyň FA Kubogy ýaryşynda 1/8 finalyň duşuşyklary oýnaldy. “Norwiçi” Takumi Minaminonyň gollary bilen 2-1 ýeňen “Liwerpul” Ýurgen Kloppuň tälimçiliginde ilkinji gezek bu ýaryşda çärýek finala çykdy. “Mançester Siti” myhmançylykda “Peterboro Ýunaýtedi” Mahrez we Grilişiň gollary esasynda 2-0 utdy. Myhmançylykda Luton Town” topary bilen duşuşan “Çelsi” garşydaşynyň 2 gezek öňe saýlanandygyna garamazdan 3-2 hasabynda ýeňşini baýram etdi (Burke 2, Kornik 40 – Saul 27, Werner 68, Lukaku 78). “Tottenhamyň” myhmançylykda 2-nji liganyň wekili “Middlsbrodan” goşmaça wagtda 1-0 utulmagy tapgyryň garaşylmadyk netijesi boldy. Çempionatda şowly çykyş edýän “West Ham” myhmançylykda “Southemptondan” 3-1 asgyn geldi. şu güni “Ewerton”–“Boreham” hem-de 7-nji martdaky “Nottingem Forest”–“Haddersfild Town” duşuşyklaryndan soň çärýek finalçylaryň ählisi belli bolar.
