Dünýä futbolynyň hojaýyny FIFA milli ýygyndylaryň arasyndaky täze reýtingini mälim etdi. Sanawda utugyny 1832,69-a çykaran Braziliýanyň ýygyndysy reýtingiň täze lideri boldy. Sambaçylar 5 ýyldan soň birinji orna çykmagy başardy. Ozalky birinji Belgiýa 2-nji orna düşdi. Olaryň 1827 utugy bar. 3-8-nji ýerlerdäki toparlaryň orny üýtgemän, Fransiýa, Argentina, Angliýa, Italiýa, Ispaniýa hem-de Portugaliýa ýerlerini saklamagy başardy. 3 basgançak beýgelen Meksika 9-njy, ornuny saklamagy başaran Niderlandlar 10-njy ýeri eýeledi.
Türkmenistanyň milli ýygyndysy ozalky ornuny (134-nji) bu gezekki sanawda-da saklady.
Soňky sanawa görä, öňki ornundan has aşak düşen Azerbaýjan bilen Somaliniň ýygyndylary bolup, ikisi-de 8 basgançak pese gaçdy. Kosta Rikanyň ýygyndysy-da 11 basgançak beýgelmegi başardy. 5 duşuşyk geçiren Täze Zelandiýanyň ýygyndysy 41 utuk toplady.
- Braziliýa – 1832,69 utuk
- Belgiýa – 1827
- Fransiýa – 1789,85
- Argentina – 1765,13
- Angliýa – 1761,71
- Italiýa – 1723,31
- Ispaniýa – 1709,19
- Portugaliýa – 1674,78
- Meksika – 1658,82
- Niderlandlar – 1658,66
- Daniýa – 1653,6
- Germaniýa – 1650,53
- Urugwaý – 1635,73
- Şweýsariýa – 1633,72
- ABŞ – 1633,72
- Horwatiýa – 1621,11
- Kolumbiýa – 1600,52
- Uels – 1588,08
- Şwesiýa – 1584,77
- Senegal – 1584,16
