Italiýanyň “Ýuwentus” topary düzümini 2 ýyldyz oýunçy bilen güýçlendirdi. PSŽ-däki şertnamasy tamamlanan argentinaly ýarymgoragçy Anhel Di Mariýany hem-de “Mançester Ýunaýtedden” gaýdan ozalky futbolçysy Pol Pogbany transfer etdi. Italýan kluby Anhel Di Mariýa bilen 1 ýyllyk şertnama baglaşdy. 34 ýaşyndaky Di Mariýa goşmaçalardan daşary ýyllyk 6 million ýewro hak alar. Mundan öň Ýewropanyň TOP 5 çempionatynyň 3 ligasynda (“La Liga”, “Premier Liga”, “Ligue 1”) oýnan “Ýuwentusda” 22-nji belgili çykyş eder.
29 ýaşyndaky Pogbany hem tölegsiz alan “Ýuwentus” fransiýaly ýyldyz oýunçy bilen 4 ýyllyk şertnama baglaşdy. 2012-2016-njy ýyllar aralygynda-da “Ýuwentusda” oýnan Pogba turinlilerden ýyllyk 8 million ýewro hak alar. Pogba turinlilerde 10-njy belgili köýnekçäni geýer.
