Futbol boýunça Türkmenistanyň çempionatynda 3-nji tapgyryň duşuşyklary oýnaldy. 1-nji tapgyrda “Nebitçini” 7-0 ýeňen “Ahal” topary bu gezek “Energetik” toparyny 8-0 hasabynda ýeňdi. “Ahal” toparyna ýeňiş getiren gollary Arslanmyrat Amanow (10), Didar Durdyýew (16, 33, 51), Elman Tagaýew (26, 45), Selim Nurmyradow (60) hem-de Meýlis Diniýew (82) geçirdi.
Öz meýdançasynda “Aşgabat” toparyndan 2-1 üstün çykan “Merw” kluby 9 utuk bilen sanawda birinji orny eýeleýär. Duşuşykda Merwiň” adyndan Döwletmyrat Döwletmyradow (15) bilen Daýanç Orazgulyýew (62), “Aşgabat” toparynyň adyndan bolsa Merdan Muhadow (71) tapawutlandy.
Soňky çempion “Altyn asyr” topary “Şagadam” topary bilen 1-1 deňme-deň oýnap (Yhlas Magtymow 1 – Myrat Annaýew 63 p), bassyr 2-nji duşuşygynda utuk ýitirdi. Şeýle-de, “Köpetdag” Begenç Akmämmedowyň het-trik bilen “Nebitçiden” 3-2 üstün çykyp, möwsümdäki ilkinji ýeňşini gazandy.
