Angliýanyň “Premier Ligasynda” yzygiderli şowsuz netijelerden soň “Aston Willa” kluby toparyň tälimçisi Stiwen Jerrardy wezipesinden boşatdy. Topar soňky tapgyrda “Fulhamdan” 3-0 hasabynda asgyn geldi. Bu duşuşykdan soň toparyň ýolbaşçylary Jerrard bilen ýollaryny aýyrmagy makul gördi. 2018-2021-nji ýyllar aralygynda “Reýnjers” toparyna tälim beren Jerrard geçen ýylyň noýabrynda “Aston Willanyň” tälimçiligine bellenipdi. Topar onuň tälimçiliginde geçen möwsümi 14-nji orunda tamamlapdy. Täze möwsüme-de juda şowsuz başlan “Aston Willa” 11 oýunda 9 utuk toplap, 17-nji orunda barýar.
