Ýokary depginde dowam edýän Katar 2022 Dünýä Kubogynda “A” toparçada Senegal bilen Niderlandlaryň ýygyndylary duşuşdy. Ilkinji gezek duşuşan 2 ýygyndynyň oýnunda ýeňiş gazanan tarap Ýewropanyň wekili boldy. Esasy ýyldyzy Sadio Manesiz çempionata gatnaşýan Senegalyň ýygyndysynyň birnäçe batly urgusyny derwezeçi Noppert erjel oýun görkezdi. 1-nji ýarymy golsuz tamamlanan duşuşygyň ahyrlarynda Niderlandlara öňe saýlanmak başartdy. Oýnuň 84-nji minutynda Kodi Gakpo hasaby açan bolsa, 90+9-njy minutda-da Dewi Klaassen duşuşyga soňky nokady goýdy. Şeýlelikde, Niderlandlar kynçylyk bilenem bolsa Senegaldan 2-0 üstün çykyp, ýeňiş bilen başlady. Tälimçi Lui Wan Gaal milli topardaky 38-nji ýeňşini gazanyp, bu ugurda Dik Adwokatyň rekordyny täzeledi. Şeýle-de, derwezeçi Andris Noppert milli ýygyndydaky ilkinji duşuşygyny geçirdi. Ol soňky 44 ýylda Dünýä Kubogynyň çäginde milli ýygyndyda ilkinji gezek meýdança çykan ilkinji niderland oýunçy boldy.
