Katar 2022-de “F” toparçada Belgiýanyň ýygyndysy bilen Marokkonyň ýygyndylary duşuşdy. Çekeleşikli geçen oýunda Afrikanyň wekili 2-0 hasabynda ýeňiş gazandy. Gollary 73-nji minutda Roman Saiss bilen 90+2-nji minutda Zakaria Abuhlal geçirdi. Şeýlelikde, Marokko Dünýä Kubogynda 24 ýyldan soň,ýagny 1998-nji ýyldan soň ilkinji gezek ýeňiş gazandy. Bu olaryň 3-nji ýeňşi bolup, demirgazyk afrikalylar 1986-njy ýylda Portugaliýany, 1998-nji ýylda-da Şotlandiýany ýeňipdiler.
Belgiýanyň ýygyndysy bolsa 1994-nji ýyldan soň Dünýä Kubogynda toparçalarda ilkinji ýola ýeňlişe sezewar boldy. Belgiýanyň ýygyndysy soňky gezek toparçalarda 1994-nji ýylda Saud Arabystanydan 1-0 asgyn gelipdi. Toparçada Marokkonyň ýygyndysynyň 4, Belgiýanyň ýygyndysynyň 3 utugy bar. Marokko Kanada bilen, Belgiýa bolsa Horwatiýa bilen duşuşar.
