Türkiýäniň “Türk howa ýollary” awiakompaniýasy 2022-nji ýylyň dekabr aýyndan başlap Aşgabat şäherine adaty uçar gatnawlaryna başlaýar. 7-nji dekabrdan başlap hepdede 2 gezek Stambul-Aşgabat ugruna adaty uçar gatnawlaryny amala aşyrar.
Uçuşlar hepdäniň, çarşenbe we şenbe günleri Stambul-Aşgabat, penşenbe we ýekşenbe günleri Aşgabat-Stambul ugry boýunça gatnawy amala aşyrar. Dekabr aýynyň ahyryna çenli öz güýjini saklaýan uçuş rejesine görä, Stambul-Aşgabat uçar gatnawlary aşakdaky ýaly amala aşyrylar.
Stambul –Aşgabat-Stambul: hepdaniň çarşenbe we şenbe günleri ýerli wagt bilen 21:10-da Stambuldan uçýar we ertesi gije sagat 02:55-de Aşgabat şäherine gonýar. Bu uçar yzyna irden 03:45-de Aşgabatdan uçýar we ir bilen 05:55-de Stambula gonýar.
“Türk howa ýollary” awiakompaniýasy noýabr aýynyň başynda yzygiderli howa gatnawyň ýola goýlan Türkmenbaşy şäherine hem gatnawyny dowam etdirer. Bu uçar gatnawlary hepdäniň duşenbe we anna günleri amala aşyrylar. Uçuş Stambul şäherinden ýerli wagt bilen 11:00-de uçýar we Türkmenbaşy şäherine 15:55-de gonýar. Yzyna bolsa, 17:25-de uçýar we Stambul şäherine 21:50-de gonýar.
