Katar 2022 Dünýä Kubogynyň iň owadan goly saýlandy. FIFA tarapyndan berlen maglumatda Braziliýanyň ýygyndysynyň ýyldyz hüjümçisi Rişarlisonyň ýarym üstaşyr şekilde Serbiýanyň ýygyndysyndan geçiren ajaýyp goly çempionatyň iň owadan goly diýlip saýlandy. Ol bu goly duşuşygyň 73-nji minutynda Winisius Junioryň pasyndan soň geçiripdi. Ses berlişige Rişarlisonyň golundan başga-da arabystanyly Salem Al-Dowsariniň Argentinanyň ýygyndysynyň derwezesinden geçiren goly niderland hüjümçi Kodi Gakponyň (Niderlandlar – Senegal), argentinaly Enzo Fernandesiň (Argentina – Meksika), kamerunly Wensan Abubakar (Kamerun – Braziliýa), meksikaly Luis Çawesiň jerime urgusyndan geçiren goly (Meksika – Saud Arabystany), fransiýaly Kilian Mbappeniň (Fransiýa – Polşa), koreýaly Paýk Syn Honuň (Braziliýa – G. Koreýa) hem-de braziliýaly Neýmaryň (Braziliýa – Horwatiýa) gollary-da dalaşgär görkezilipdi.
