PSŽ-niň braziliýaly super ýyldyzy Neýmar nobatdaky gezek «Altyn samba» baýragyny gazandy. Ol 2022-nji ýylyň daşary ýurtlarda çykyş edýän iň ökde braziliýaly futbolçysy diýlip saýlandy. Bassyr 3-nji, umumylykda 6-njy gezek «Altyn samba» baýragyny gazanan Neýmar bu ugurda rekordyň hem eýesidir. Neýmar bu baýraga mundan öň 2014-nji, 2015-nji, 2017-nji, 2020-nji we 2022-nji ýyllarda mynasyp bolupdy. Baýrak 2021-nji ýyla çenli diňe Ýewropada çykyş edýän braziliýaly futbolçylara berilýärdi. Şol ýyldan bäri ähli yklymlardaky braziliýaly futbolçylar hem sanawa alyndy. 2008-nji ýyldan bäri gowşurylyp gelinýän baýraga ilkinji gezek Kaka mynasyp boldy. Soňlugy bilen, Luis Fabiano (2009), Maikon (2010), Tiago Silwa (2011-12-13), Filippe Koutinio (2016), Roberto Firmino (2018) hem-de Alisson Beker (2019) laýyk görüldi.
