Ispaniýanyň çempionaty “La Ligada” soňky tapgyrdan soň 2 tälimçi wezipesinden boşadyldy. 27-nji tapgyrda “Real Madridden” 6-0 utulan “Real Walýadolid” toparynyň tälimiçisi wezipesinden ugradyldy. Paçeta lakamly tälimçi topary geçen möwsümde 2-nji ligadan ýokary liga çykarypdy. Braziliýaly meşhur futbolçy Ronaldo Luis Nazario de Limanyň eýeçilik edýän (toparyň paýnamalarynyň köp böleginiň eýesi) kluby “Walýadolid” toparyndan berlen beýanatda: 2-nji ligadan 1-nji liga çykaran Paçetany wezipesinden ugratmak biziň üçin juda kyn. Ýöne klubuň hem ligada galmagy üçin şeýle netijä gelmeli bolundy diýlip bellenildi. Paçetanyň ornuna urugwaýly Paulo Pezzolano “Walýadolidiň” täze tälimçisi boldy.
Şeýle-de, “La Ligada” “Espanýolyň” tälimçisi Diego Martines hem wezipesinden boş
adyldy. Soňky 4 tapgyrda garşydaşlaryndan asgyn gelen “Espanýol” 17-nji orunda barýar. Topara möwsümiň ahyryna çenli wagtlaýynda klubuň ozalky oýunçylaryndan 42 ýaşly Luis Garsiýa tälim berer.
