Doňdurmanyň peý­da­ly ta­rap­la­ry

Lez­zet­li ta­gam­la­ryň bi­ri bo­lan doňdurma sag­lyk üçin peý­da­ly iý­mit­le­riň bi­ri ha­sap­lan­ýar. To­mus pas­ly­nyň gel­me­gi bi­len bu süý­jü­li­ge bo­lan is­leg has-da ýo­kar­lan­ýar. Ça­ga­lar­dan baş­lap ulu­la­ra çen­li doňdurmanyň öz­bo­luş­ly ta­ga­myn­dan lez­zet al­ýar­lar. Eý­sem, doňdurmanyň sag­ly­ga nä­hi­li peý­da­sy bar­ka?!
Bi­ler­men­ler beý­le­ki süý­jü­lik­ler bi­len de­ňeş­di­re­niň­de bu önümiň ka­lo­ri­ýa­sy­nyň pes­di­gi­ni aýd­ýar­lar. Doň­dur­ma ug­le­wod­lar, be­lok we ýag ýa­ly mad­da­la­ra, şeý­le hem kal­siý, fos­for, ka­liý, mag­niý ýa­ly mi­ne­ral­la­ra hem-de A, B, E, K wi­ta­min­le­ri­ne baý iý­mit­dir. Iki çem­çe doň­dur­ma­da, tak­my­nan, 14 gram şe­ke­riň bar­dy­gy göz öňün­de tu­tu­lyp, ulu­la­ra hep­de­de 100 gram­dan 2-3 ge­zek­den, ça­ga­la­ra 2 ge­zek­den köp doňdurma iý­mek mas­la­hat be­ril­me­ýär.
Saglyga peý­da­sy
Süňk sag­ly­gy­ny go­ra­ýar. 2 bul­gur doň­dur­ma­nyň dü­zü­min­de 90 mil­lig­ram kal­siý bar. Bu gün­de­lik kal­siý ze­rur­ly­gy­nyň 9 gö­te­ri­mi­ni düz­ýär. Kal­siý süňk we diş sag­ly­gy üçin mö­hüm mi­ne­ral bo­lup, onuň esa­sy çeş­me­si süýt, ga­tyk we peý­nir ýa­ly önüm­ler­de sak­lan­ýar. Esa­sy dü­zü­mi süýt­den yba­rat bo­lan doňdurma kal­siý ýet­mez­çi­li­gi­niň iň ta­gam­ly çeş­me­si­dir.
Myş­sany ös­dür­ýär. Be­lok­lar myş­sa­la­ryň esa­sy bö­le­gi­ni eme­le ge­tir­ýär. Be­lo­gyň esa­sy çeş­me­si et we süýt önüm­le­rin­de sak­la­nyp, 200 mil­lig­ram süýt­de 6 gram be­lok bar. 2 bul­gur doň­dur­ma iý­mek ar­ka­ly be­lo­gyň esa­sy çeş­me­si­ni ka­bul edip bol­ýar. Gys­ga­ça aý­dy­lan­da, buz­gaý­mak be­lo­ga baý iý­mit ha­sap­lan­ýar.
Ýü­rek sag­ly­gy­na oňaýly täsir edýär. Kal­siý, ka­liý we fos­for ýü­rek-da­mar sag­ly­gy üçin ze­rur bo­lan mi­ne­ral­lar ha­sap­lan­ýar. Bu mi­ne­ral­la­ryň äh­li­si doň­dur­ma­nyň dü­zü­min­de sak­la­nyp, ýü­rek-da­mar sag­ly­gy­na oňaý­ly tä­sir ed­ýär.
Be­jer­gi­den soň­ky iý­mit. So­wuk­ly­gy se­bäp­li kä­bir be­jer­gi­ler­den soň buz­gaý­mak iý­mek mas­la­hat be­ril­ýär. Bu iý­mit kä­bir ýa­ra­nyň bit­me­si­ni çalt­lan­dyr­ýar. Çeý­ne­mek­de we ýu­wut­mak­da kyn­çy­lyk çek­ýän has­sa­lara buzgaýmak iýmek mas­la­hat be­ril­ýär.
Al­ner­na­tiw süý­jü­lik. Kä­bir süý­jü­lik­le­riň ýerine doň­dur­ma iýmek has-da peý­da­ly bo­lar. Se­bä­bi buz­gaý­mak ýo­kum­ly­ly­gy ýo­ka­ry bo­lan az ka­lo­ri­ýa­ly iý­mit bo­lup, 50 gram doň­dur­ma­da ba­ry-ýo­gy 100 ka­lo­ri­ýa sak­lan­ýar.