«Liwerpul» toparynyň gwineýaly ýarymgoragçysy Nabi Keita 4 ýyldan soň Bundesliga dolandy. 28 ýaşyndaky oýunçy Bremen şäheriniň «Werder» kluby bilen şertnama baglaşdy. Nemes kluby Keitany tölegsiz düzümine goşdy. «Liwerpul» bilen şertnamasy tamamlanan Keita 129 oýunda 11 gezek tapawutlandy. Keita «Liwerpuldan» öň «Leipsigde» çykyş edipdi. «Leipsigde» 2 möwsümde 71 oýunda 17 gol geçirdi. Ol «Leipsigden» öň 2 möwsüm «RB Salsburgda» oýnapdy.

***

«Premier Ligadan» aşaky liga düşen «Lester Siti» toparynyň belgiýaly ýarymgoragçysy Ýuri Tilemans mundan soň karýerasyny «Aston Willada» dowam etdirer. «Lester» bilen şertnamasy tamamlanan 26 ýaşyndaky oýunçynyň 1-nji iýulda «Aston Willa» bilen şertnama baglaşjakdygy habar berildi. «Lesterden» öň «Anderleht» we «Monako» klublarynda oýnan Tilemans iňlis klubunda 2019-njy ýylyň gyşyndan bäri çykyş edip gelýärdi.

***

Portugaliýanyň çempiony «Benfika» topary Niderlandlaryň çempiony «Feýenoordyň» türkiýeli ýarymgoragçysy Orkun Kökçüni transfer etdi. Portugal kluby 22 ýaşyndaky oýunçy bilen 5 ýyllyk şertnama baglaşdy. «Benfika» topary bu transfer üçin rotterdamlylara 25+5 million ýewro tölär. Kökçü geçen möwsümde 46 oýunda 12 gol geçirip, 5 goluň pasyny berdi.