“Ýuwentus” bilen şertnamasy tamamlanan argentinaly ýarymgoragçy Anhel Di Mariýa 13 ýyldan soň ozalky kluby “Benfika” dolandy. 35 ýaşyndaky ýyldyz oýunçy lissabonlylar bilen 1 ýyllyk şertnama baglaşdy. 2007-2010-njy ýyllar aralygynda “Benfikada” oýnan Di Mariýa ondan soň “Real Madrid”, “Mançester Ýunaýted”, PSŽ, “Ýuwentus” ýaly Ýewropanyň öňdebaryjy 5 çempionatynyň 4-siniň esasy klublarynda çykyş etdi. Dünýä Kubogynyň eýesi Di Mariýa klublarda 724 oýunda 162 goly öz adyna ýazdyrdy.
