Meşhur markalaryň biri bolan “Trendyol” Türkiýäniň “Süper Lig”-iniň hem-de “1.Lig”-iniň hemaýatkäri boldy. Ýurduň futbol boýunça ligalarynyň iň öňdäki ikisi bilen 1+1 ýyllyk şertnama baglaşan kompaniýanyň ady ligalar bilen bilelikde agzalar. Başgaça aýdylanda, mundan soň Türkiýäniň ýokary ligasy we 2-nji ligasy, degişlilikde, “Trendyol Süper Lig” hem-de “Trendýol 1.Lig” diýlip atlandyrylar. Kompaniýa 2023/24 möwsümi üçin ýurduň futbol federasiýasyna 700 million lira tölär.
Türkiýäniň çempionatynyň täze möwsümine 11-nji awgustda badalga berler.
