Futbol boýunça Ýewropanyň U-19 ýygyndylarynyň arasynda geçirilen çempionatda Italiýanyň ýaşlary çempion boldy. Maltada geçirilen 20-nji çempionatyň finalynda Italiýanyň ýygyndysy Portugaliýany 1-0 hasabynda ýeňlişe sezewar etdi. Italýanlara ýeňiş getiren ýeke-täk goly 19-njy minutda Maýkl Kaýode geçirdi. Şeýlelikde, Italiýanyň U-19 ýygyndysy 20 ýyldan soň 4-nji çempionlygyny gazandy.
Şu möwsümde mundan öň 4 finalda utulan italýanlar ahyry ýeňiş gazanmagy başardy. Italýan klublary UEFA-nyň klub ýaryşlaryndaky 3 finalda-da asgyn gelipdi. Argentinada geçirilen FIFA U-20 Dünýä Kubogynyň finalynda utulan Italiýanyň ýaşlar ýygyndysy kümüş medal gazanypdy.
