Ispaniýaly belli goragçy, gol geçirmekde ýakasyny tanadan Serhio Ramos 18 ýyldan soň futbola başlan kluby “Sewilýa” dolandy. 37 ýaşyndaky oýunçy arap hem-de türk klublaryndan gelen ýokary derejeli tekliplerden ýüz öwrüp, ol “Sewilýa” bilen 1 ýyllyk şertnama baglaşdy. Ramos mundan öň 2003-2005-nji ýyllar aralygynda çykyş eden klubundan 1 million ýewro hak alar. 2005-2021-nji ýyllar aralygynda “Real Madridde” 16 möwsüm çykyş eden Ramos soňky 2 möwsümi-de PSŽ-de oýnady. Ol şu wagta çenli 29 kubogy asmana göterdi. Dünýäniň 1, Ýewropanyň hem 2 gezek çempiony bolan Ramos karýerasy boýunça 135 goly derwezä girizdi. Köp gol geçiren goragçylaryň hatarynda görkezilýän Ramos “Sewilýada” hem 4-nji belgili köýnekçäni geýer.
