Geljek ýylyň tomsunda Germaniýada geçiriljek Ýewropa çempionatynda “A” toparçada Ispaniýanyň ýygyndysy öz meýdançasynda Şotlandiýany 2-0 ýeňip, 1-nji duşuşygyň rewanşyny almagy başardy. Mälim bolşy ýaly, Şotlandiýa öz meýdançasynda 2-0 ýeňipdi. Toparçada ilkinji gezek ýeňlişe sezewar bolan şotlandlaryň derwezesinden ýeňiş gollaryny 2-nji ýarymda Morata (73) bilen ilkinji gezek milli ýygyndyda duşuşyk geçiren Sanset (86) girizdi. Ispaniýanyň ýygyndysy soňky 3 duşuşygynda 15 gol geçirip, diňe 1 gol goýberdi.
Norwegiýa bolsa myhmançylykda Kipri 4-0 hasabynda utdy. Norwegiýanyň ýygyndysynyň gollaryny 33-nji minutda Sörlot, 65-nji we 72-nji minutlarda Holann hem-de 81-nji minutda Eursens geçirdi.
Häzirki wagtda 6 oýunda 15 utuk toplan Şotlandiýa 1-nji, 5 oýunda 12 utuk bilen Ispaniýa 2-nji ýeri eýeleýär. 6 oýunda 10 utuk toplan Norwegiýa 3-nji ýerde barýar.
15-nji oktýabrda, ýekşenbe güni Norwegiýa öz meýdançasynda Ispaniýany kabul eder. Norwegiýa öz meýdançasynda Ispaniýany ýeňse 2-nji orna geçer.
