Angliýanyň Liga Kubogynyň finalyna çykan toparlar belli boldy. Ýarym finalyň jogap duşuşyklarynda “Çelsi” öz meýdançasynda “Middlsbro” toparyny 6-1 hasabynda ýeňdi. 1-nji duşuşykda 1-0 hasabynda utulan “Çelsiniň” gollaryny Howson (15 ö.d.), Fernandes (29), Disasi (36), Palmer (42, 77) hem-de Madueke (81) geçirdi. Kubogy 5 gezek eýelän “Çelsi” 10-njy gezek finala çykdy.
“Çelsiniň” finaldaky garşydaşy “Liwerpul” bolup, Kloppuň şägirtleri myhmançylykda “Fulham” bilen 1-1 hasabynda deňme-deň oýnady. 11-nji minutda Luiz Diazyň goluna ýer eýeleri 76-njy minutda Diopyň goly bilen jogap berdi. 1-nji duşuşykda “Liwerpul” 2-1 hasabynda ýeňipdi. “Liwerpul” bu kubogy 9 gezek eýeläp, olar 14-nji gezek finala çykmagy başardy.
Şunlukda, 25-nji fewralda Londondaky “Wembley” stadionynda “Çelsi” bilen “Liwerpul” duşuşar. Iki topar 2022-nji ýylda-da finalda duşuşyp, “Liwerpul” penaltileriň netijesinde ýeňşini baýram edipdi. Bu olaryň finaldaky 3-nji duşuşygy bolar.
