PDF
Amerikanyň Birleşen Ştatlarynyň energetika ministri Kris Raýt Hytaý Halk Respublikasynyň amerikan nebitiniň importyny geljekde yzygiderli artdyrmagyna garaşylýandygyny mälim etdi. CNBC teleýaýlymynyň berýän habaryna görä, pudaklaýyn edaranyň ýolbaşçysy diňe bir HHR-nyň däl, eýsem, Aziýa sebitiniň beýleki döwletleriniň hem Alýaskadan iberilýän uglewodorod serişdelerini satyn almaga uly gyzyklanma bildirýändiklerini aýratyn nygtady. Bu ugurdaky özara bähbitli hyzmatdaşlygy ösdürmek meseleleri ABŞ-nyň Prezidenti Donald Trampyň Hytaý Halk Respublikasyna amala aşyran resmi saparynyň barşynda hem ara alanyp maslahatlaşyldy. Gepleşikleriň dowamynda HHR-nyň Başlygy Si Szinpiniň amerikan nebitini satyn almagyň mümkinçiliklerine garamaga taýýardygy bellenildi.
