Şenbe güni, ýagny ertir 10-njy maýda ýurdumyzyň çempiony “Arkadag” topary AFK-nyň Çagyryş Ligasy ýaryşynyň finalynda Kambojanyň “Preah Han Riç Swaý Rieng” topary bilen duşuşar. Duşuşyk Kambojanyň paýtagty Pnompendäki “Morodok Techo” milli stadionynda geçiriler. Duşuşyk Aşgabat wagty bilen 17:00-da başlanar.

“Arkadag” topary ilkinji gezek gatnaşýan ýaryşynda finala çenli 7 duşuşyk geçirip, şolaryň 5-sinde ýeňiş gazandy. Günbatar sebitinde “B” toparçada Kuweýtde geçirilen duşuşyklarda Gyrgyzystanyň “Abdyş-Ata Kant” toparyny 2-0, Maldiwleriň “Maziýa” toparyny 2-1 hasaplar bilen ýeňdi. Ýer eýeleri Kuweýtiň “Al-Arabi” toparyndan 3-2 hasabynda asgyn gelse-de, toparçada 1-nji orny eýelän ýurdumyzyň çempiony çärýek finalda Hindistanyň “Ist Bengal” topary bilen duşuşdy. Myhmançylykda 1-0, öz meýdançasynda-da 2-1 hasaplar bilen üstün çykan “Arkadag” topary ýarym finalda ýene-de “Al-Arabi” bilen güýç synanyşdy. 1-nji oýunda arap kluby 2-0 hasabynda ýeňiş gazansa-da, ýurdumyzda uly hasap bilen ýeňen “Arkadag” topary finala adyny ýazdyrdy. Arkadag şäherinde 3-0 hasabynda ýeňen “Arkadag” topary finalda oýnamaga hukuk gazandy.

Yzly-yzyna 2-nji, umumylykda 4 gezek ýurdunyň çempion bolan “Preah Han Riç Swaý Rieng” topary Gündogar sebitde “E” toparçada çykyş etdi. Indoneziýanyň “Madura Ýunaýted” toparyndan 2–1 utulyp, şol hasap bilenem Mongoliýanyň “SP Falkons” toparyny ýeňen kambojalylar toparçada 2-nji orny eýeledi. Çärýek finalda Mýanmanyň “Şan Ýunaýted” toparyny öz meýdançasynda 6-2 ýeňip, myhmançylykda 2-1 hasabynda asgyn geldi. Umumy hasapda 7-4 öňe saýlanan “Preah Han Riç Swaý Rieng” topary ýene-de “Madura Ýunaýted” bilen duşuşdy. Öz meýdançasynda 3-0 hasabynda ýeňiş gazanyp, myhmançylykda 3-3 deňme-deň oýnan “Preah Han Riç Swaý Rieng” topary finala çykmagy başardy.

Gyzykly bolup bilerЕЩЕ ОТ АВТОРА