Awtobus petekleriniň onlaýn satuwy gaýtadan ýola goýuldy

«Türkmenawtoulaglary» agentligi şäherara ugurlar boýunça awtobus petekleriniň onlaýn satuwyny gaýtadan ýola goýdy. Bu barada agentligiň resmi web-saýtynda habar berilýär.

Şäherara awtobus gatnawlary Aşgabatdan Gyzylarbat (Serdar), Türkmenbaşy, Mollagara, Tejen, Mary, Baýramaly, Türkmenabat, Ak bugdaý, Babadaýhan ugurlaryna we yzyna amala aşyrylýar.

Awtobuslaryň ugramaly we barmaly nokatlary, wagty, petekleriniň bahalary, gatnaw günleri bilen agentligiň resmi saýtyndan tanşyp bolýar.

Telefon belgileri: 44-35-30, 44-35-31, 44-35-32, 44-35-35, 082