“Beşiktaş” angliýaly ýyldyz hüjümçini transfer etdi

Türkiýäniň “Beşiktaş” topary Italiýanyň “Roma” klubundan iňlis hüjümçi Temmi Abrahamy düzümine goşdy. Türk topary 27 ýaşyndaky hüjümçiniň transfer üçin rimlilere 20 million ýewro berer. “Beşiktaş” bilen 2029-njy ýylyň tomsuna çenli şertnama baglaşan Abraham ýyllyk 5 million ýewro hak alar.  2017-nji ýylda “Çelside” futbola başlan Abraham londonlylaryň düzüminde 82 oýunda 30 gol geçirdi. Ol “Bristol Siti”, “Swansi Siti”, “Aston Willa” ýaly klublarda kärendesine çykyş edenden soň, 2021-nji ýylda “Roma” transfer boldy. Paýtagtlylarda 3 möwsüm oýnan Abraham geçen möwsümi “Milanda” kärendesine geçirdi. Abraham klublarda jemi 373 duşuşykda 137 gezek tapawutlandy. Onuň Angliýanyň ýygyndysynda-da 11 oýunda 3 goly bar.