BSGG ýalňyzlygyň howpludygyny ykrar etdi

Ýalňyzlyk her ýylda 870 müňden gowrak adamyň ömür tanapyny kesýän global howp bolup durýar. Bu barada Bütindünýä Saglygy Goraýyş Guramasynyň maglumatlarynda bellenilip geçilýär.
Ýaşlaryň arasynda ýagdaý has-da aladalandyrýar: köplenç 13 ýaşdan 29 ýaş aralygyndaky adamlar ýalňyzlykdan ejir çekýärler. Statistikalara görä, Ýer ýüzündäki her altynjy adam özüni ýalňyz duýýar. Aýratyn-da, jemgyýetçilik torlarynda we tükeniksiz sanly mazmun dünýäsinde ýaşaýanlar has ejiz bolup çykdylar. Sebäbi wirtual aragatnaşyk janly aragatnaşyklaryň ýerini tutmaýar, köplenç diňe izolýasiýa duýgusyny güýçlendirýär.
BSGG-niň hünärmeni Çido Mpembynyň pikiriçe, ýalňyzlyga garşy göreşmek üçin janly sosial aragatnaşyklary durmuşyň ähli ugurlaryna – bilimden we işden başlap, sanly gurşawa birikdirmeli. Ýogsam, millionlarça ýaşlar ýalňyz galarlar.
Hünärmenleriň pikiriçe, ýalňyzlyk diňe bir psihologik mesele däl. Ýalňyzlyk, saglyga howp derejesi taýdan çilim çekmek ýa-da semizlik bilen deňeşdirilip, ýürek-damar we akyl keselleriniň töwekgelçiligini ýokarlandyrýar we ömrüň dowamlylygyny azaldýar.