Hal­ky­myz­da iň go­wy zat­lar dur­mu­şy­my­zyň gül­le­ri bo­lan ça­ga­la­ra ba­gyş­lan­ýar. Çün­ki ola­ryň şat­ly­gy – dün­ýä­mi­ziň aba­dan­ly­gy, abat­ly­gy.
Türk­men hal­ky ne­sil ter­bi­ýe­si­ne uly üns ber­ýär. Ýaş­la­ryň maş­ga­la­da, köp­çü­lik ýer­le­rin­de özü­ni alyp ba­ryş­la­ry ýa­şu­lu­la­ryň na­za­ryn­dan syp­man­dyr. Olar dur­muş tej­ri­be­le­ri­ni ze­hin­li adam­lar ta­ra­pyn­dan dö­re­di­len hal­ky eser­le­re siň­di­rip, per­zent­le­ri­niň aňy­na guý­ma­gy başarypdyrlar.
Ter­bi­ýä­niň düýp bin­ýa­dy il­ki maş­ga­la­da go­ýul­ýar. Türk­me­niň aňyr­dan gel­ýän ýa­şa­ýyş-dur­muş ka­da­la­ry haý­sy maş­ga­la­da göw­ne­jaý ber­jaý edil­se, şol öý­de hem­me­ta­rap­la­ýyn sag­dyn ne­sil ýe­tiş­ýär. Ter­bi­ýe­çi­lik işi ulu­lar­dan pä­him-pa­ra­sat­ly­ly­gy, oý­la­ny­şyk­ly­ly­gy ta­lap ed­ýär. Hal­ky­my­zyň ula hor­mat, ki­çä sar­pa goý­mak ba­ra­da­ky maş­ga­la ede­bi ne­sil­den-nes­le ge­çip, hä­zir­ki gün­ler­de hem berk ber­jaý edil­ýär. Bu asyl­ly ýö­rel­ge­le­re eýer­me­gi ýaş ne­sil­le­ri­mi­ze ça­ga­lyk­dan en­dik et­di­ril­ýär. Il için­de «Ça­ga­ny ýaş­dan, ede­bi baş­dan» diý­lip ýö­ne ýe­re aý­dyl­ma­ýar.
Ýur­du­my­zyň äh­li ýe­rin­de al­nyp ba­ryl­ýan gur­lu­şyk iş­le­riniň ha­ta­ryn­da iň hä­zir­ki za­man en­jam­la­ry, mul­ti­me­di­ýa we okuw-teh­ni­ki se­riş­de­le­ri bi­len üp­jün edi­len tä­ze ça­ga­lar bag­la­ry, mek­dep­ler, luk­man­çy­lyk eda­ra­la­ry, ça­ga­lar üçin yl­my-çe­per­çi­lik mer­kez­le­ri, sport meý­dan­ça­la­ry, dynç alyş mer­kez­le­ri bar. Şu­nuň ýa­ly mö­hüm dur­muş-me­de­ni äh­mi­ýet­li des­ga­la­ryň gur­lu­şy­gy ýur­duň ýaş ne­sil­le­ri ha­kyn­da köp ta­rap­la­ýyn ala­da­ny esa­sy ugur edin­ýän giň möç­ber­li bi­lim ul­ga­myn­da­ky öz­gert­me­le­ri­niň üs­tün­lik­li dur­mu­şa ge­çi­ril­me­gi­ni şert­len­dir­ýär.
2024-2025-nji okuw ýy­ly hem ta­mam­lan­dy. Hä­zir­ki dö­wür­de ýur­du­myz­da mek­dep okuw­çy­la­ry­nyň to­mus­ky dynç alyş möw­sü­mi­ni gy­zyk­ly we peý­da­ly ge­çir­mek­le­ri ug­run­da ala­da­ edil­ýär. Şu ýyl hem to­mus­ky dynç alyş möwsü­min­de Gök­de­re jülgesinde, «Awa­za» mil­li sy­ýa­hat­çy­lyk zo­la­gyn­da, şeý­le hem se­bit­le­ri­miz­dä­ki döw­re­bap ça­ga­lar sa­gal­dyş mer­kez­le­rin­de dynç alyş­lar gu­ra­lar.
Bi­ziň ýur­du­myz Bir­le­şen Mil­let­ler Gu­ra­ma­sy­nyň «Ça­ga­nyň hu­kuk­la­ry ha­kyn­da­ky» Kon­wen­si­ýa­ny tas­syk­lap, üs­tü­ne alan borç­na­ma­la­ry­na üýt­gew­siz eýer­ýär. Bu ugur­da Türk­me­nis­tan BMG-niň Ça­ga­lar gaz­na­sy bi­len üs­tün­lik­li hyz­mat­daş­lyk ed­ýär. Ene­li­gi we ça­ga­ly­gy go­ra­mak bo­ýun­ça bir­nä­çe bi­le­lik­dä­ki tas­la­ma­la­ryň hem-de mak­sat­na­ma­la­ryň üs­tün­lik­li ýe­ri­ne ýe­ti­ril­me­gi mu­nuň aý­dyň su­but­na­ma­sy­dyr.
1-nji iýun­da ýurdumyzda Ça­ga­la­ry go­ra­ma­gyň hal­ka­ra gü­ni giň­den bel­le­nil­ýär. Bu se­ne dün­ýä bi­le­le­şi­gi bi­len raý­daş­ly­gyň, Bir­le­şen Mil­let­ler Gu­ra­ma­sy­nyň ça­ga­la­ryň hu­kuk­la­ry we bäh­bit­le­ri ba­bat­da esas go­ýu­jy mak­sat­la­ry­na, ýö­rel­ge­le­ri­ne yg­rar­ly­ly­gyň be­ýa­ny hök­mün­de ýur­du­my­zyň baý­ram­çy­lyk­la­ry­nyň sa­na­wy­na gi­ri­zil­di.
Ýe­ri ge­len­de bel­läp geç­sek, 1949-njy ýyl­da Fran­si­ýa­da Ze­nan­la­ryň Hal­ka­ra de­mok­ra­tik Fe­de­ra­si­ýa­sy­nyň Ge­ňe­şi­niň ses­si­ýa­syn­da 1-nji iýun ça­ga­la­ryň go­ra­gy­nyň gü­ni diý­lip çöz­güt çy­ka­ryl­ýar we 1950-nji ýyl­da 51 döw­let­de bu baý­ram­çy­lyk bel­le­ni­lip ge­çil­ýär. Bir­le­şen Mil­let­ler Gu­ra­ma­sy hem bu pi­ki­ri gol­da­ýar we ça­ga­la­ryň hu­kuk­la­ry­ny, ja­ny­ny we sag­ly­gy­ny go­ra­mak­ly­gy öz işi­niň aý­ra­tyn ugur­la­ry­nyň bi­ri bo­lar di­ýip yg­lan ed­ýär. Şeý­le­lik bi­len 1950-nji ýyl­dan baş­lap bu gün Ça­ga­la­ry go­ra­ma­gyň hal­ka­ra gü­ni diý­lip bel­le­ni­lip baş­lan­dy. Bu baý­ram­çy­lyk my­na­sy­bet­li dür­li gör­nüş­li sport ýa­ryş­la­ry, ça­ga­la­ra de­giş­li ki­no­film­le­riň ýa-da gep­le­şik­le­riň gör­ke­zi­li­şi, su­rat çek­mek bäs­le­şik­leri, me­de­ni, aý­dym-saz­ly çä­re­ler ge­çi­ril­ýär.

Al­la­my­rat GA­LAN­DA­ROW,
Myrat Garryýew adyndaky Türkmenistanyň Döwlet lukmançylyk uniwersitetiniň psihiatriýa, narkologiýa we medisina psihologiýasy kafedrasynyň mugallymy.

Gyzykly bolup bilerЕЩЕ ОТ АВТОРА