Dünýä Kubogy 2026-nyň ilkinji duşuşyklarynyň eminleri mälim edildi

Ýene-de 2 günden badalga aljak futbolyň iň uly baýramçylygy bolan Dünýä Kubogy 2026-nyň ilkinji duşuşyklarynyň eminleri mälim edildi.

Çempionatyň açylyş duşuşygynda, ýagny “A” toparçada ýer eýesi Meksika bilen Günorta Afrikanyň arasyndaky oýunda braziliýaly Wilton Sampaio jürlewük çalar. Duşuşyk Meksikanyň paýtagty Mehiko Sitidäki dünýä belli “Estadio Azteca”-da oýnalar we oýun Aşgabat wagty bilen 11-nji iýundan 12-nji oýuna geçilýän gijede 00:00-da başlanar.

12-nji iýunda daňdan 05:00-da Guadalahara şäherindäki “Estadio Akron”-da oýnaljak Günorta Koreýa bilen Çehiýanyň arasyndaky duşuşyga müsürli Amin Mohamed Omar eminlik eder.

12-nji iýundan 13-nji iýuna geçilýän gije 00:00-da başlanjak “B” toparçadaky ýer eýesi Kanada bilen Bosniýa we Gersegowinanyň arasyndaky duşuşykda eminlik etmek argentinaly Fakunto Telýo ynanyldy.

13-nji iýunda Aşgabat wagty bilen irden 06:00-da başlanjak “D” toparçadaky ýer eýesi ABŞ bilen Paragwaýyň oýnuna Niderlandlardan Danni Makkelie eminlik eder.