Iň köp hak alýan tälimçiler

Fransiýanyň meşhur sport neşiri «L’Equipe» gazeti häzirki wagtda dünýäde iň köp hak alýan klub tälimçileriniň sanawyny mälim etdi. Sanawyň başyny 12 ýyldan bäri «Atletiko Madride» tälim berip gelýän argentinaly Diego Simeone çekýär. Ol madridlilerden ýyllykda 34 million ýewro hak alýar. Bu ugurda 2-nji ýeri «Mançester Sitiniň» ispaniýaly tälimçisi Pep Guardiola eýeleýär. Meşhur tälimçiniň ýyllyk alýan haky 22,4 million ýewro deňdir. Sanawyň 3-nji basgançagynda «Liwerpulyň» germaniýaly tälimçisi Ýurgen Klopp bolup, ol 17,8 million ýewro hak alýar.

Iň köp hak alýan tälimçiler:

1. Diego Simeone («Atletiko») – 34 mln. ýewro;
2. Pep Guardiola («Mançester Siti») – 22,4 mln. ýewro;
3. Ýurgen Klopp («Liwerpul») – 17,8 mln. ýewro;
4. Grem Potter («Çelsi») – 13,5 mln. ýewro;
5. Massimiliano Allegri («Ýuwentus») – 12,8 mln. ýewro;
6. Tomas Tuhel («Bawariýa») – 12 mln. ýewro;
7. Karlo Ançelotti («Real Madrid») – 11 mln. ýewro;
8. Simone Inzagi («Inter»)  – 10 mln. ýewro;
9. Žoze Mourinio («Roma») – 9,2 mln. ýewro;
10. Habi Alonso («Baýer») – 5 mln. ýewro;
11. Niko Kowaç («Wolfsburg») – 4 mln. ýewro;
12. Hawi («Barselona») – 3,8 mln. ýewro.