Köpetdagyň ajaýyp dag eteklerinde Gündogaryň görnükli şahyr-filosofy, türkmen edebiýatynyň nusgawy şahyry Magtymguly Pyragynyň ägirt uly ýadygärligi açylmaga taýýarlanýar. Bu milli derejedäki möhüm wakalaryň biri bolup, şu ýyl ýurduň Garaşsyzlygynyň 30 ýyllygyny bellemegiň çäginde geçiriler. Häzirki wagtda ýadygärlik toplumynda bejergi we timarlaýyş işleri alnyp barylýar.

Golaýda milli nusgawy şahyrymyz Magtymguly Pyragynyň 300 ýyllygyny bellemeginiň öňüsyrasynda durmuşa geçirilýän uly göwrümli sungat taslamasynda alnyp barylýan işler barada Aşgabat şäheriniň häkimi hormatly Prezidentimize hasabat berdi. Prezident Gurbanguly Berdimuhamedow, türkmen şahyrynyň we filosofynyň halkyň ruhy medeniýetinde we edebiýatynda eýeleýän görnükli orny, Magtymguly Pyragynyň nesiller üçin dowamly ähmiýeti barada durup geçip, häkime ýadygärlik seýilgähiniň açylyş dabarasyny guramak barada görkezme berdi.

Türkmenistanyň halk suratkeşi, heýkeltaraş Saragt Babaýewe 60 metr beýiklikdäki täze ýadygärligi döretmek tabşyryldy. Magtymguly adyndaky halkara baýragynyň iki gezek eýesi Saragt Babaýew üçin bu şahyryň ýadygärligi boýunça ilkinji iş däl. Onuň döreden türkmen edebiýatynyň nusgawy şahyrlarynyň heýkelleri Stawropolda, Astrahanda (Russiýa), Ankarada (Türkiýe) oturdyldy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА