PDF
Belarusuň Prezidenti Aleksandr Lukaşenko L.N.Gumilýew adyndaky Ýewraziýa milli uniwersitetiniň ýolbaşçylarydyr işgärlerini ýokary okuw mekdebiniň döredilmeginiň 30 ýyllyk senesi bilen gutlady. Bu barada belarus lideriniň metbugat gullugyna salgylanýan “Belta.by” habar berdi.
“Siziň uniwersitetiňiz Gazagystan Respublikasynyň iň öňdebaryjy bilim we ylym merkezleriniň biri hasaplanýar. Ýygjam ylmy gatnaşyklar netijesinde bilelikdäki taslamalar we başlangyçlar durmuşa geçirilýär, hünärmenleriň täze nesli taýýarlanýar, gumanitar aragatnaşyklaryň gerimi giňeldilýär. Bularyň ählisi biziň ýurtlarymyzyň arasyndaky hyzmatdaşlygyň berkemegine ýardam edýär” diýlip, Lukaşenkonyň gutlagynda bellenýär.
