Hä­zir­ki wagt­da mek­de­be taý­ýar­lyk möw­sü­mi gyz­ga­laň­ly do­wam ed­ýär. Ba­zar­lar­da mek­dep ly­bas­la­ry we okuw ha­ryt­la­ry sa­tyl­ýan göç­me söw­da no­kat­la­ry giň­den hyz­mat ed­ýär. To­mus­ky dynç alyş möw­sü­miniň soň­ky aýy­ dowam edýär. Siz hem tä­ze okuw ýy­ly­na taý­ýar­lyk gö­rüp baş­lan bol­sa­ňyz ge­rek. Mek­de­be taý­ýar­lyk gör­len­de di­ňe okuw es­bap­la­ry däl, eý­sem, tä­ze egin-eşik­ler hem sa­tyn alyn­ýar. Eý­sem, ça­ga­la­ra okuw eşik­le­ri, aýakgap we tor­ba sa­tyn al­nan­da nä­me­le­re üns ber­me­li?!
Okuw­çy­la­r gü­nüň esa­sy bö­le­gi­ni mek­dep­de ge­çir­ýär­ler. Ça­ga­la­ra mek­dep ly­bas­la­ry al­nan­da bi­raz giň we ar­ka­ýyn he­re­ket et­mä­ge oňaý­ly­sy­ny saý­la­ma­ly. Eşik be­de­ne ýa­py­şyp du­ran däl-de, ra­hat bol­ma­ly. Egin-eşi­giň ma­ta­sy nah­ ýa-da be­den üçin zy­ýan­syz, ýum­şak we te­bi­gy ma­te­ri­al­lar­dan ti­ki­len, ho­wa ge­çir­ýän bol­ma­ly.
Ene-ata­la­ryň kä­bi­ri aýak­gap alan­da ça­ga­nyň ula­lyp bar­ýan­dy­gy­ny göz öňün­de tu­tup, has ulu­sy­ny al­ýar. Bu ýal­ňyş ha­sap­lan­ýar. Aýak­gap ça­ga jo­rap­ly ýag­daý­da geý­di­ri­lip hem-de ýö­re­di­lip gö­rül­me­li. Aýak­ga­byň öň ta­ra­py­nyň dar, uju­nyň süýn­mek bol­ma­gy bar­mak­la­ryň dog­ry ös­me­gi­ne päs­gel be­rip ýa-da dyr­na­gyň çüm­me­gi­ne ge­ti­rip bi­ler. Aýakgabyň bagjygy go­wy bag­lan­ma­sa ýa-da çö­zü­len ýag­daý­da ça­ga­nyň ýy­kyl­ma­gy­na se­bäp bol­ma­gy müm­kin. Şol se­bäp­li bag­jyk­syz ýa-da aň­sat­lyk bi­len açy­lyp ýa­pyl­ýan ke­mer­ji­gi bo­lan hem-de aşa­gy bü­dür-sü­dür, te­kiz ýer­de typ­ma­ýan, ýa­gyn­ly ho­wa­da suw ge­çir­me­ýän aýakgap alynmaly. Sport aýak­ga­by saý­la­nan­da hem ýo­kar­da­ky ýag­daý­lar göz öňün­de tu­tul­ma­ly.
Ça­ga­la­ryň her gün jo­rap ge­ý­ýän­di­gi se­bäp­li aýa­gy der­läp bil­ýär. Şol se­bäp­li nah ma­ta­dan ti­ki­len, der­let­me­ýän jo­rap­la­ry saý­la­ma­ly. Şeý­le hem jo­ra­byň bog­da­gy­nyň aýa­gyň gan da­mar­la­ry­ny gys­ma­ýan gör­nü­şini saý­la­ma­ly. Jo­rap bir gün­den köp ge­ýil­me­li däl.
Mek­dep tor­ba­sy al­nan­da, ça­ga­nyň ýa­şy, ag­ra­my göz öňün­de tu­tul­ma­ly. Bi­ler­men­ler is­len­dik ýaş­da­ky ça­ga üçin ar­kaň­da gö­te­ril­ýän mek­dep tor­ba­la­ry­ny mas­la­hat ber­ýär­ler. Tor­ba­nyň eg­niň­den asyl­ýan ger­şi in­li we ýum­şak bol­ma­ly. Ki­çi ça­ga­lar üçin has uly, ag­ra­my­ny art­dyr­jak dür­li reňk­li, ga­ba­ryp du­ran su­rat­ly we dür­li oý­na­waç­lar asy­lyp du­ran tor­ba­la­ry al­mak mas­la­hat be­ril­me­ýär. Tor­ba­nyň gö­te­ri­li­şi­ne hem üns be­ril­me­li. Adat­ça, ar­kaň­dan asyl­ýan tor­ba­la­ryň ýüp­le­ri­ni ulal­dyp hem ki­çel­dip bol­ýar. Tor­ba­nyň ýü­pü­ni ça­ga­nyň ar­ka­sy­na la­ýyk ýer­le­şer ýa­ly saz­la­ma­ly. Tor­ba bir egin­de gö­te­ril­me­li däl. Agyr ki­tap­lar we beý­le­ki okuw es­bap­lar tor­ba­nyň ar­ka ýa­kyn ta­ra­py­na, ýe­ňil es­bap­lar öň ta­ra­py­na ýer­leş­di­ril­me­li. Ça­ga aw­to­bu­syň gel­me­gi­ne ga­ra­şan­da ýa-da aw­to­bus­da bar­ýar­ka tor­ba­sy­ny ar­ka­syn­dan dü­şü­rip, aras­sa ýer­de goý­ma­gy öw­ret­me­li. Mek­dep tor­ba­sy­na okuw es­bap­la­ryn­dan baş­ga zat sa­lyn­ma­ly däl, di­ňe şol gün ge­çil­jek sa­pak­la­ry­na de­giş­li ki­tap­dyr dep­der­ler sa­lyn­ma­ly. Mek­dep egin-eşi­gi ýa-da okuw es­ba­by sa­tyn al­nan­da, mek­de­biň ta­lap­la­ry göz öňün­de tu­tul­ma­ly.

Gyzykly bolup bilerЕЩЕ ОТ АВТОРА