“Milan” “Mançester Sitiniň” ýyldyzyny transfer etdi

Italiýanyň öňdebaryjy toparlaryndan “Milan” iňlis kluby “Mançester Sitiniň” sag gyraky goragçysy Kaýl Wolkeri düzümine goşdy. 34 ýaşyndaky tejribeli iňlis futbolçysy italýan toparynda möwsümiň ahyryna çenli kärendesine oýnar. “Milan” ony tomusda 5 million ýewro berip ymykly transfer edip biler we taraplar ylalaşan ýagdaýynda 2027-nji ýylyň tomsuna çenli şertnama baglaşylar. Kaýl Wolker “Milan 32-nji belgili köýnekçäni geýer. “Şeffild Ýunaýtedde” futbola başlan Wolker “Nortampton Tawn”, 6 möwsüm “Tottenhamda”, täzeden “Şeffild Ýunaýted”, KPR, “Aston Willa” ýaly klublarda kärendesine çykyş etdi. 2017-nji ýylyň tomsundan bäri-de “Mançester Sitiniň” düzüminde oýnap gelýän Wolker şäherlileriň düzüminde 6-sy APL-niň çempionlygy jemi 17 kubok gazandy.