PDF
“Forbes” žurnaly meşhur aýdymçy Riannanyň milliarderleriň hataryna goşulandygyny mälim etdi. Neşir aýdymçynyň 1,7 milliard dollar baýlygynyň bardygyny mälim etdi. Hakyky ady Robin Rianna Fenti bolan Rianna 2017-nji ýylda “Fenty Beauty” atly kosmetika brendini çykarypdy. Şeýlelikde aýdym-saz dünýäsinden soňra söwda pudagyna hem gadam basypdy. 33 ýaşly ýyldyz diňe kosmetika däl, eýsem “Savage x Fenty” atly eşik brendini hem döretdi. Sosýal medýanyň hem ýyldyzy bolan aýdymçynyň “Instagram”-da 101 million, “Twitter”-de 102,5 million yzarlaýjysy bar. Ol mahal-mahal özüne degişli brendleriň reklamasynda çykyş edýär. Rianna aýdymçylygy bilen meşhurlyk gazanan hem bolsa, soňky wagtlarda işewürlik dünýäsine mäkäm aralaşdy. Meşhur ýyldyz iň soňky albomyny 2016-njy ýylda çykardy.
